قصيدة: ان ما روت عينك عيوني من ترى يعني روى ؟

السلام عليكم .. فالبداية احب اشكر اخوي وصديقي العزيز ملك الجبل الاخضر على دعوته للأنضمام معكم....

واحب انثر بين اعينكم قصيدة وعسى ان تنال اعجابكم



الشوق رغم انه حلو ..بس بالحزن دوم احتوى
كلما تمر نسمة حضوره الشعر بي يحــــــتوي

اعييتني يا شوق واعييت الهــوى لــيما هــوى
واضميت عين(ن) من عيونه دوم كانت ترتوي

وش فيك ما تلقى دوى؟ دام العيون اهي الدوى !
شوف السكون اللي ف جوفي ..قام بي يدوي دوي

كل البيوت اللي بـ مطلع هالقصيدة .. فـ الهـــوا
أقنصتهـا بالطلقة اللي صوتها يهــوي هــــوي

وكتبتها ببحر العشق .. إن مـ استوى .. عندي استوى
وصلت كذا.. بالصورة وبالقــافية وحــرف الروي

لعيون من هو لو بغى روحي على عمري سوى
يـــــفداه كلــي ون بغى كـــلي تراله يســـــتوي

لعيون من هو نور وجهه في سما حلمي ضوى
والليل يللي بهمس صوته لا تكّــــلم ينضـــوي

لعيون من هو لستحى .. خلف الخجل .. راح انطوى
لعيون من هو لو يناظر ناظري .. به ينطـــوي

ان ما روت عينك عيوني .. من ترى يعني روى ؟
ما غير شوفك يا حبيبي يكو لي جـــرحي كوي!


عشقي كذا .. مثل النِوى ..واهن ولكن به قوى
يعني ترى اقدر اكوّن به سلاح(ن) . لي قوي !

والهم لا منّـه نوى يصــبو الــى قلبي غـــوى
لنّه جـــهل بنّه خفـــوقي من يجـــيله ينغـــوي

يجهل بأنه داخلي ذيب(ن) قبل يهجـــم عــوى
يجهل بأن اللي اشتوى ..ما عاد ثاني يشتــوي

يا هم . اذا فكري نوى .. قولي نوى وفعلي نوى
يعني اذا..افرض أبي .. ألوي يدينك .. تلتوي !